Gizon bat atxilotu dute Bilbon txabola bati su eman eta bertan bizi den etxegabeari erredurak eragiteagatik

45 urteko gizonezko bat atxilotu dute Bilbon, txabola bati su ematen saiatu eta bertan bizi den etxegabeari besoan erredurak eragin izana egotzita. Igande gauean gertatu zen erasoa, 23:00ak aldera, Uribarri auzotik gertu, EiTBk jakin duenez.

Txabola gasolinaz busti zuen, su emateko asmoz edo. Ordu horretan, lo zegoen bertan bizi den etxegabea, baina zaratak esnatu zuen. Dei baten bidez, gertatutakoaren berri jaso zutenean, Ertzaintza eta Udaltzaingoa bertaratu ziren, eta ustezko erasotzailea atxilotu zuten. Astelehenean, epailearen aurrera eraman zuten, hilketa saiakera egotzita.