Gizartea -
Drogaren aurkako operazioa
Bederatzi droga-trafikatzaile atxilotu dituzte EAEn eta Nafarroan
Droga trafikoarekin lotuta, bederatzi lagun atxilotu ditu Nafarroan, Gipuzkoan, eta Bizkaian eta 19 kilo "speed" atzeman dizkiete.
Erredakzioa
Polizia Nazionalak 9 droga-trafikatzaile atxilotu ditu Bizkaian, Gipuzkoan eta Nafarroan. Gainera, 19 kilo "speed" atzeman dizkiete, beste hainbat drogekin batera.
Sei etxebizitza miatu dituzte denera eta 188 gramo haxix, 16 gramo marihuana, 12 gramo kokaina, 10 gramo heroina, 3 eskopeta eta 650 euro ere atzeman dizkiete.
Bilbon bizi zen lagun batek droga trafikatzen zuen susmoa zuen Poliziak. Lagun hori aurretik espetxean egon zen drogen trafikoari lotutako delitu batengatik. Polizia Nazionala zaintza-lanetan hasi zen eta era horretan, beste inplikatuak atzeman zituzten. Denera bederatzi lagun atxilotu dituzte, horietako sei Bilbon, bat Donostian, beste bat Behobian (Gipuzkoa) eta azkena Andosillan (Nafarroa).