Gizartea -
80 kaltetu baino gehiago
Viajes Zornotza agentziako zuzendaria atxilotu dute, iruzurra egotzita
Kaltetutako zornotzarrak 80 baino gehiago dira: bidaiarik gabe eta aurreratutako diruri gabe geratu dira.
Erredakzioa
Viajes Zornotza bidaia-agentziako zuzendaria atxilotu du Ertzaintzak, Zornotzan zuen establezimendua egun batetik bestera bezeroei abisatu gabe ixteagatik iruzurra egitea leporatuta. Atxiloketa asteartean egin zuten.
Ostiralean, aurretiaz bezeroei inolako abisurik eman gabe, itxi zuten agentzia eta oraindik ez dira ezagutu bat-bateko itxieraren arrazoiak.
Kaltetuek (80 pertsona baino gehiago) batzea eta itxierak eragin dizkien galerak berreskuratzeko plataforma bat sortzea erabaki dute, Efe agentziari esan diotenez. Kaltetuen artean, datorren asteburuan ezkonduko den bikote bat dago eta eztei-bidaiarik gabe geratu dira.
Taldeko bozeramaile batek azaldu duenez, saltokia itxi ondoren, bidaia-agentziaren jabeak Udaltzaingoari bueltatu zizkion bidaiari batzuen pasaporteak. Bezeroei gutun bat bidali zien, euren sarreren dirua agentziaren aseguru-etxeari eskatzeko esanez.
