Gizartea -
Ezbeharra
Haur bat erreskatatu dute helikopteroz Ezkaurre mendian
Mendian gora zegoela, 10 urteko haurra erori egin da, eta zauri arinak jaso ditu sorbaldan.
Erredakzioa
10 urteko haur batek zauri arinak jaso ditu sorbaldan, Ezkaurre mendia igotzen zegoela igande honetan. Ezbeharraren ondorioz, Guardia Zibileko Mendiko Erreskaterako Talde Bereziko kideek umea helikopteroz erreskatatu behar izan dute.
Guardia Zibilak eta Nafarroako Larrialdietarako Agentziak jakitera eman dutenez, jazoeraren abisua 12:04ean jaso dute. Laster, Guardia Zibileko hiru kide zeraman helikoptero bat mobilizatu dute. Ondoren, haurra Bideko Ama Birjina Ospitalera eraman dute, zauriak artatu diezaioten.
Hau zure interesekoa bada, baliteke beste gai hauek ere izatea