Gizartea -
Salaketa Areetan
Espainiako kamiseta eramategatik gizon bat jipoitu dute Getxon
Biktimaren salaketaren arabera, zazpi lagunek jipoitu zuten Espainiako selekzioko kamisetarekin zegoelako.
Erredakzioa
Getxoko Areeta auzoko bizilagun batek salatutakoaren arabera, zazpi lagunek padeleko pala batzuez eraso zioten, Espainiako elastikoa zeramalako.
Herrizaingo Sailaren arabera, biktimak astelehen arratsaldean salatu zuen erasoa, baina goizaldean gertatu zen, Espainiaren eta Italiaren aurkako partida amaitu ondoren.
Salaketaren arabera, txakurra paseatzen ari zen Espainiako kamisetarekin, hainbat lagun kotxe batean ondotik pasatu eta irainka hasi zirenean. Gainera, padel palekin joka hasi zirela salatu du.
Zaurien ondorioz, erietxean artatu behar izan zuten, eta ordu batzuk beranduago, salaketa jarri zuen. Ertzaintza gertatutakoa ikertzen ari da.