Aitortu gabeko 4,6 milioi yen baino gehiago atzeman dizkiote bidaiari bati Bilboko aireportuan

Guardia Zibilak eta Zerga Administrazioko Estatu Agentziak aitortu gabeko 4,6 milioi yen baino gehiago atzeman dizkiote Bilboko aireportuan Japoniara zihoan bidaiari bati; hau da, 33.000 euro inguru. Emakumeak erabilitako ordainbideen balioaren % 50erainoko isunari egin beharko dio aurre.

Gertakaria martxoaren amaieran jazo zen, bidaiari baten gauzen artean 4.800.000 yen aurkitu zituztenean eskudirutan, agintariei ordainketa-mugimenduen nahitaezko aitorpena egin gabe.

Legeak ezartzen duen moduan, agenteek 140.000 yen (1.000 euro inguru) eman zizkioten bidaiariari, bidaian jarraitu ahal izateko. Salaketa jarri dute haren kontra dirutza hori aitortu gabe eramatea egotzita.