Gizartea -
SUTEA
Gasteizko Marianistas ikastetxea jendez hustu dute laborategian piztu den sute baten ondorioz
Garrak itzali eta eraikina aireztatu ondoren, ikasleak eta langileak ikastetxera itzuli ahal izan dira. Osasun langileek bizpahiru pertsona artatu dituzte tokian bertan, kea arnastu baitute.
EITB Media
Gaur goizean sutea izan da Gasteizko Marianistas ikastetxean, eta ia ordubetez jendez hustu behar izan dute, Udaleko iturriek eitb.eus-i jakinarazi diotenez.
Sutea 10:50ean piztu da laugarren solairuko laborategi batean.
50 minutu geroago, suhiltzaileek garrak itzali eta eraikina aireztatu ondoren, ikasleak, irakasleak eta langileak ikastetxera itzuli ahal izan dira.
Osasun langileek tokian bertan bizpahiru pertsona artatu behar izan dituzte kea arnasteagatik.
Hau zure interesekoa bada, baliteke beste gai hauek ere izatea