Bizkaiko suhiltzaileek lau suizidio saiakeratan esku hartu dute asteburu honetan

Erandion eta Barakaldon izan dira saiakera horiek.

Suizidio saiakera Arrontegiko zubian. Argazkia: @BomberosBizkaia.

EITB Media

publikatuta: 2023/05/01 17:34 (UTC+2)

azken eguneratzea: 2023/05/02 13:51 (UTC+2)

Bizkaiko suhiltzaileek lau suizidio saiakeratan esku hartu dute asteburu honetan, eta Erandion eta Barakaldon bere buruaz beste egin nahi zuten lau lagunen heriotza saihestu dute.

Kasurik nabarmenena igande goizean gertatu zen. 08:00ak aldera, pertsona bat Arrontegiko zubira igo zen, eta barandatik bere burua ibai aldera botatzeko mehatxua egin zuen. Bizkaiko suhiltzaile-taldeak eta horren negoziatzaile taldea bertaratu ziren gaztearekin hitz egitera. Geroago, Ertzaintzako Trafikoko agente batek, gaztearekin ondo konektatu zuela ikusirik, hark jarraitu zuen gaztearekin hizketan, eta azkenean, bi orduren ostean, lortu zuten bere saiakeran atzera egitea.

Suhiltzaileek EITB Mediari azaldu diotenez, negoziatzailearen eta gaztearen arteko besarkada batekin amaitu zen esku-hartzea, "oso une hunkigarria". Horrela eskertu diote Twitterren "une oro gaztearekin konektatu zuen" negoziatzaileari.

Pentsamenduak, ideiak edo jokabide suizida izateko arriskurik baduzu, deitu 024 doako telefonora. Jokabide suizida izateko arriskua duen pertsona baten senide edo hurbilekoa bazara, deitu 024 telefonora. Osasun Ministerioaren telefonoa da. Familia-medikuarengana ere joan zaitezke. Larrialdi egoeran bazaude, deitu zuzenean 112 zenbakira.

Hau zure interesekoa bada, baliteke beste gai hauek ere izatea

Gizartea Eguneko albisteak Albisteak Suhiltzaileak

Bizkaiko suhiltzaileek lau suizidio saiakeratan esku hartu dute asteburu honetan

Esteka kopiatuta