Gizartea -
IKERKETA
Pasaiako adingabe baten bahiketa saiakera bat ikertzen ari dira
Eusko Jaurlaritzako Segurtasun Sailak jakinarazi duenez, salaketa asteazkenean jaso zuten. Hala, salatutako gertakariak delituzkoak diren ala ez ikertzen ari dira.
AGENTZIAK | EITB MEDIA
Ertzaintzak adingabe baten bahiketa saiakera argitzeko ikerketa abiatu du Pasaian, asteazken honetan jarritako salaketa baten ostean.
Eusko Jaurlaritzako Segurtasun Sailak jakinarazi du salatutako gertakariak "delituzkoak diren ala ez" ikertzen ari direla; hau da, "bahitzeko asmoz adingabe batengana hurbildu izana".
Salaketa hori dela eta, Pasaiako Udaltzaingoak ohar bat argitaratu du Ertzaintzarekin batera. Horretan, maiatzaren 17an "Pasai San Pedron adingabe batekin izandako gertakari bat salatu" zela adierazten dute, eta biak ikertzen ari direla "haren inguruabarrak eta izaera egiaztatzeko eta ustezko inplikatuak aurkitzeko".
Salaketa horren ondorioz, sare sozialetan agertzen ari diren pertsonen irudiak eta informazio partzialak fidagarria ez direla argitu dute.
Horrenbestez, Ertzaintzak eta Udaltzaingoak lasaitasunerako eta erantzukizunerako deia egin dute.