Gizartea -

Memoria historikoa

Gernikako ospitale militarrean hildako preso errepublikanoak oroitu dituzte

Zalloko hilerrian, 1938tik 1940ra hildako 269 gerra-presoak gogoan izan dituzte, azkenengoa hil zenetik 83 urte igaro denean.

Hildakoen izen-abizenak daraman plakaren aurrean egin dute omenaldia. Argazkia: EITB MEDIA
Hildakoen izen-abizenak daraman plakaren aurrean egin dute omenaldia. Argazkia: EITB MEDIA
Hildakoen izen-abizenak daraman plakaren aurrean egin dute omenaldia. Argazkia: EITB MEDIA

EITB MEDIA

Whatsapp Facebook Twitter Telegram Email

Gernikan, 1938tik 1940ra bertako ospitale militarrean hildako 269 gerra-preso errepublikanoak oroitu dituzte gaur, ekainaren 3an, Zalloko hilerrian.

Urte haietan egon zen zabalik gerra-presoen ospitale militar hura, garai bateko Agustinoen kolegioan. Bonbardaketak herria birrinduta utzita zuen, eta hondakin horietatik urrun zegoen eraikina. Hala, Espainiako Estatuko hainbat kontzentrazio-eremutatik ekarri zituzten hara gaixotasun infekziosoak zituzten presoak.

Pasarte beltz hura gogora ekartzeko asmoz, omenaldia egin diete gaur Zalloko hilerrian ospitale hartan haien senideek non zeuden jakin gabe hil ziren 269 presoei.

Horien guztien izen-abizenak bilduta dituen plaka bat jarrita dago hilerrian, biktima horiek memorian gordeta izateko asmoz.

Hau zure interesekoa bada, baliteke beste gai hauek ere izatea
Gernikako bonbardaketa Presoak bideoak Gernika-Lumo albisteak Gizartea bideoak Albisteak Gaur Gaurko azken orduko albistea Gerra Zibileko biktimak Espetxeen albisteak gaur