Albiste izango dira: Frantziako Tourra, Nagore Laffageri omenaldia eta "El Conquistador del Caribe"ko finala

Honako gai hauek hartuko dituzte gaur, uztailak 3, hedabideetako lerroburu nagusiak:

- Frantziako Tourra: 2023ko Frantziako Tourreko hirugarren etapa Zornotzan hasi eta Baionan amaituko da, 193,5 kilometroko ibilbidea egin ondoren. Txirrindulariek lau mendate puntuagarri igo beharko dituzte: 3. mailako hiru eta 4. mailako bat.

- Nagore Laffageri omenaldia: Uztailaren 7an hamabost urte beteko dira Nagore Laffage irundarra hil zutenetik, eta urtero bezala, hura oroitzeko ekitaldia egingo dute Iruñean. Astelehen Lilak elkarteak deituta, gaur 19:00etan izango da hitzordua, Vinculo plazan. 2008ko San Fermin egunean, Jose Diego Yllanesek (27 urte) Nagore Laffage (20 urte) hil zuen.

- "El Conquistador del Caribe" saioko finala: Olaia, Locuras, Etxe eta Txoskin, lau horietako bat izango da Conquiseko 19. edizioko irabazlea. Ez galdu final handia 22:30etik aurrera ETB2n, eitb.eus-en eta "El Conquis" saioaren aplikazioan.