Gizonezko bat atxilotu dute Bilbon gazte bati zirriak egitea egotzita

Ertzaintzak 27 urteko gizonezko bat atxilotu du Bilbon, sexu-abusuekin lotutako delitu bat egotzita. Atxilotuak etxeko atalondoan ezustekoan harrapatu du gazte bat, eta zirriak egin dizkio.

Gertaera 07:30ak aldera jazo da, Bilboko hiriguneko kale batean. Gaztea etxera zihoan, eta bat-batean, gizonezko bat hurbildu zaio atzekaldetik, eta zirriak egin dizkio. Biktimak bultzada bat eta kolpeak eman dizkio. Ondorioz, gizonezkoak ihes egin du. Gaztea erasotzailearen atzetik joan da, eta laguntza eskatu du. Herritar batek gizonezkoa lotu du, Ertzaintzaren patruila bat heldu arte.

Jazoeraren nondik norakoak ezagutu ondoren, agenteek gizonezkoa atxilotu eta Ertzain-etxera eraman dute. Igandeko lehen orduetan epailearen aurrera eramango dute ustezko erasotzailea.