Baztan aldean desagertu den 71 urteko gizon baten bila ari dira

Nafarroako larrialdi zerbitzuek igandeko 21:27an jaso zuten gizona desagertu zela jakinarazteko deia, eta bilaketa operazioa martxan jarri dute.

Bilaketa operazioan, Foruzaingoa, Oronozeko eta Cordovillako suhiltzaileak, Guardia Zibila eta salbamenduko zakurrak parte hartzen ari dira.

Gainera, gaur goizean, Nafarroako Gobernuaren helikoptero bat batu zaie bilaketa lanei.