Albiste izango dira: Eskola garraioa, lurrikara Marokon eta ekaitza

Honako gai hauek hartuko dituzte gaur, irailak 11, hedabideetako lerroburu nagusiak:

- Eskola garraioa: Gaur eskola eguna da, eta, oraindik, EAEko 7.000 ikasle inguruk ez dakite goizean garraio zerbitzurik izango ote duten ala ez euren ikastetxeetara joateko. EITB Mediarekin hitz egin duten garraio enpresei entzunda, behintzat, pentsatzekoa da gaurkoan ere ez dela zerbitzurik egongo.

- Lurrikara Marokon: 2.122 dira dagoeneko Marokoko lurrikaran hildakoak, eta erreskate taldeek lanean jarraitzen dute. Nazioarteko laguntza iristen hasi da, ostiralean Marrakech eskualdea suntsitu zuen lurrikarak kaltetutako eremuetan hondakinak kendu eta oraindik bizirik egon daitezkeen pertsonen bilaketan laguntzeko.

- Ekaitza: Euria eta ekaitz elektriko handiak izan dira azken orduotan Bizkaian. Atzo, zaparrada handiak bota zituen Enkarterrin, eta 15.6 l/m² ur pilatu ziren Zallako estazioan ordubetean. Galindokoan, berriz, 15.9 l/m².