Gizartea -

Txostena

Sexu esplotazio arriskuan dauden 286 lagun identifikatu zituzten iaz, EAEn

Esplotazioen artean, sexuala da nabarmenena (kasuen % 59). Behartutako lana bigarren maila batean dago (% 34), eta biktimen % 90 emakumeak eta neskatoak dira.

Sexu esplotazioaren aurkako protesta bateko irudia. EITB Mediaren bideo batetik hartutako argazkia
Sexu esplotazioaren aurkako protesta bateko irudia
Sexu esplotazioaren aurkako protesta bateko irudia. EITB Mediaren bideo batetik hartutako argazkia

AGENTZIAK | EITB.EUS

Whatsapp Facebook Twitter Telegram Email

Sexu esplotazio arriskuan bizi diren 286 pertsona identifikatu zituzten iaz Euskal Autonomia Erkidegoan, Espainiako Barne Ministerioaren terrorismoaren eta antolatutako krimenaren aurkako inteligentzia zentroak argitaratutako azken txostenaren arabera. Irabazi asmorik gabeko Nueva Vida elkarteak jaso ditu datuok.

Txostenak erakusten du esplotazioen artean, sexuala dela nabarmenena (kasuen % 59). Behartutako lana bigarren maila batean dago (% 34), eta biktimen % 90 emakumeak eta neskatoak dira.

Horregatik, Nueva Vida elkarteak kontzientziazio kanpaina abiatuko du. Hala, Bizkaian ekintza ezberdinak egingo dituzte irailaren 18tik 24ra.

Nueva Vidak beharrezkotzat jo du prostituzioaren kontsumitzaileetan arreta jartzea, "eskaintzaren atzean zer dagoen jakin behar dutelako": emakumearen aurkako indarkeria, drogak behartuta kontsumitzea, bazterkeria, gaixotasunak, eta, ondorioz, sexu esplotazioa", zehaztu du elkarte horretako buru Julio David Garciak, ohar baten bidez.

Hau zure interesekoa bada, baliteke beste gai hauek ere izatea
Indarkeria matxista EAE albisteak Gizartea Indarkeria matxistaren biktimak Eguneko albisteak Albisteak Mundu matxista Sexu erasoak