Gizartea -
Indarkeria matxista
Gizon bat atxilotu dute, Iruñeko erdigunean hiru emakumeri sexu-erasoak egiteagatik
Gertakariak astelehenean jazo ziren, 18:00etan, Nafarroako hiriburuko lehen eta bigarren Zabalguneko kaleetan. Eraso ezberdinetan, gizon batek ukituak egin zizkien 37, 19 eta 43 urteko hiru emakumeri.
Agentziak | EITB Media
49 urteko gizon bat atxilotu dute sexu-erasoaren delitu bat egotzita, Iruñeko erdigunean hiru emakumeri ukituak egin dizkielakoan.
Gertakariak astelehenean jazo ziren, 18:00etan, Nafarroako hiriburuko lehen eta bigarren Zabalguneko kaleetan, Udaltzaingoak jakitera eman duenez.
Aipatutako iturriaren arabera, une ezberdinetan, gizon batek ukituak egin zizkien 37, 19 eta 43 urteko hiru emakumeri.
Atxilotua polizia etxean dago, epailearen esku noiz utziko duten zain; ziurrenik, gaur goizean izango da.