Gizartea -
Lan istripua
Gizon bat hil da Elduainen, kamioia mendi-mazela batetik erorita
Ibilgailuak Portugalgo matrikula zuen. Berastegiko noranzkoan zihoan bidetik atera denean.
Erredakzioa
Gizon bat hil da GI-2130 errepidean, Elduain inguruan (Gipuzkoa), Herrizaingo Sailak jakinarazi duenez.
Istripua arratsaldeko ordu biak aldera gertatu da, oraindik nola ez dakitela. Volvo markako kamioi bat ibilbidetik atera da Berastegiko noranzkoan zihoala, eta mendi-mazela batetik behera erori da. Portugalgo matrikula du.
Suhiltzaile talde bat bertaratu da. Garabi handiak behar izan dituzte kamioia altxatzeko eta gorpua ateratzeko.
Errepidea lau orduz itxita izan dute, larrialde taldeek errazago lan egin zezaten.