Gizartea -
SASTRAKA ARTEAN
46 urteko gizonezko baten gorpua aurkitu dute Santurtzin
Zentral termikoaren inguruko errepide ertzean topatu dute, sastraka artean. Herrizango Sailaren arabera, usteltzen hasita zegoen.
Erredakzioa
Santurtzin (Bizkaia), 46 urteko gizonezko baten gorpua aurkitu dute errepide bazterrean, sastraka artean, Herrizaingo Sailak jakinarazi duenez. Oinezko batek aurkitu zuen atzo arratsaldean, zentral termikotik gertu.
Heriotza orain egun batzuk gertatu zela adierazi dute; izan ere, gorpua usteltzen hasita dago. Hildakoaren anaia batek ezagutu du gorpua, eta adierazi du egun batzuk zeramatzala anaiari buruz ezer jakin gabe.
Lehen azterketen arabera, gizonezkoak ez du indarkeria zantzurik, baina autopsiaren emaitzen zain daude, heriotzaren zergatia ezagutzeko.
Ertzaintzak ezbeharra ikertzen jarraitzen du.