Enbata batek haize-bolada gogorrak eta tenperaturen jaitsiera ekarriko du gaur arratsaldean

Enbata batek haize-bolada gogorrak eragingo ditu gaur arratsaldean euskal kostaldean, eta tenperaturak nabarmen jaitsiko dira ordubetean. 

Eusko Jaurlaritzako Segurtasun Sailak abisu horia ezarriko du arratsaldeko seietan, itsasaldeko arriskuagatik. Abisu hori hiru orduz egongo da indarrean.

Haizea ipar-mendebaldera biratuko da, eta mendebaldetik ekialdera zabalduko da kostalde osoan. Horrek haize-boladak areagotuko ditu. Horrez gain, tenperatura 5-10 gradu jaitsiko da ordubetean.

Gainera, fronteak hautsa ekarriko du berarekin, eta horrek "odol edo lokatz" euriak eragingo ditu. Beraz, EAEn arratsalde-gauerako aurreikusita dauden euriteek hauts hori erkidegoko zati batzuetara ekar dezakete, baina oso modu arinean.