Gizartea -
Zirkulazioa
Pertsona bat hil da eta bi zauritu Guardian, zirkulazio istripuan
Ezbeharra A-124 errepidean jazo da, Logroñorako noranzkoan. Oraingoz ez dago argi zauritutakoen larritasuna.
Erredakzioa
Pertsona bat hil da eta beste bi zauritu Guardian (Araba) jazotako zirkulazio istripu batean, Herrizaingo Sailetik baieztatu dutenez.
Ezbeharra A-124 errepidean gertatu da, 10:30 aldera, Logroño eta Guardia arteko errepidean, Logroñorako noranzkoan. Auto batek eta furgoneta batek talka egin dute eta, ondorioz, emakume bat hil eta beste bi zauritu dira.
Suhiltzaileek bertara joan behar izan dute zaurituak artatzeko. Lekuan bi anbulantzia daude eta zirkulazioa eten egin dute. Ertzaintza gertaera ikertzen ari da eta zirkulazioa Lapuebla de Labarcatik desbideratu dute.
Hau zure interesekoa bada, baliteke beste gai hauek ere izatea