Bi pertsona atxilotu dituzte Trapagaranen, kobrea lapurtzea egotzita

Ertzaintzak 37 urteko bi gizonezko atxilotu ditu Trapagaranen gauerdian, Renferen trenbidean linea elektrikoan kobrezko kablea ostu izana egotzita. Herrizaingo Sailak azaldu duenez, ustezko lapurreta geltokian gertatu da.

00:30 aldera, Renfeko langileek Ertzaintzari deitu diote, kobrezko kablea lapurtu dutela susmatuta.

Patruila bat Galindo aldera bidalita, agenteek kobrezko kable zatiak eta zerra bat zituzten bi gizon ikusi, eta, hori guztia ostutakoa zela egiaztatu ondoren, atxilotu egin dituzte.