Gizartea -

Sexu erasoa

Gizon bat atxilotu dute Donostian sexu eraso delitua egotzita, emakume bati ukituak egiteagatik

Erasoa igande goizaldean gertatu zen, Donostia erdiguneko diskoteka baten inguruetan. Halaber, emakumeari diru zorroa lapurtzea ere leporatu diote.

Agentziak | EITB Media

Whatsapp Facebook Twitter Telegram Email

Ertzaintzak 20 urteko gizon bat atxilotu du Donostian sexu eraso delitua leporatuta, emakume bati ukituak egin zizkiolakoan hiriaren erdiguneko diskoteka baten inguruetan.

Eusko Jaurlaritzako Segurtasun Sailak jakinarazi duenez, erasoa igande goizaldean (05:10) gertatu zen. Emakumeak ertzainei emandako testigantzaren arabera, gizona oldartu zitzaion eta ukituak egin zizkion.

Ustezko erasotzailea inguruko kale batean aurkitu zuten. Sexu erasoa ez ezik, emakumeari diru zorroa lapurtzea ere egotzi diote.

Atxilotua ertzain etxera eraman zuten. Izapideak amaitutakoan, epailearen esku gelditu zen.

Hau zure interesekoa bada, baliteke beste gai hauek ere izatea
Donostia argazkiak Ertzaintza Indarkeria matxista Delituak albisteak Gizartea albisteak Indarkeria matxista Prentsa digitalaren azken orduko Gaurko azken orduko albistea Sexu erasoak