Bergaran garabira igo den gizonak bertan jarraitzen du

Astelehen goizean, 08:00etan, Bergarako epaitegien ondoan dagoen garabi batera igo zen 42 urteko gizonezkoak bertan jarraitzen du. Gizonezkoak hainbat pankarta jarri ditu garabian, hala nola "Basta de denuncias falsas" [Salaketa faltsu gehiagorik ez] eta "Soy inocente" (Errugabea naiz).

Ertzainak, Udaltzainak eta osasun-zerbitzuetako langileak bertaratu dira gertakariaren tokira eta gizonarekin hitz egiten ari dira, garabitik jaistea konbentzitzeko.

Herrizaingo Sailak 42 urte dituela eta bertan "gai pertsonalengatik" dagoela jakinarazi du.

Goiena.net atariak jakinarazi duenez, gizonak bi ohar idatzi ditu, eta horietan bere auzia azaldu du. Horren esanetan, epaileak sei hilabeteko espetxe zigorra ezarri zion, emazte ohiari tratu txarrak ematea egotzita, "errugabea" den arren.

Gainera, Genero Indarkeriaren Legeak gizonezkoak "babes gabe" uzten dituela salatzeko, gose greba abiatu duela esan du.