Gizartea -
Zierbena (Bizkaia)
Haizeak sute txikiak piztu ditu berriz Serantes mendian
Atzo, mendia sei orduz izan zen sutan, 16:00etatik 22:00etara.
Erredakzioa
Bizkaiko Aldundiko suhiltzaileak Serantes mendian daude oraindik, Zierbena aldean, haizeak sute txikiak piztu baititu berriz, Ertzaintzak jakinarazi duenez.
Atzo, mendia sei orduz izan zen sutan, 16:00etatik 22:00etara, guztiz itzali zuten arte.
Sua inguru malkartsu batean piztu zen, eta, ondorioz, suhiltzaileen ibilgailu astunek ia ezinezkoa izan zuten hara heltzea. Suhiltzaileek eskuz egin behar izan zuten lan.
Suhiltzaileak ingurua zaintzen geratu dira gaur goizean, haizeak piztutako sute txikiak kontrolatzen.