Gizartea -
Nafarroa
17 urteko adingabe bat intoxikatu da Iruñean, etxebizitza batean izandako sutean
Larrialdi-zerbitzuek beste hiru pertsona artatu dituzte, baina ez dituzte ospitalera eraman behar izan. Suhiltzaileek goizaldeko 02:00ak baino lehentxeago itzali dute sua.
Agentziak | EITB MEDIA
17 urteko neska bat intoxikatu da Iruñean, Sangüesa kaleko etxebizitza batean piztutako sutean kea arnastuta.
Larrialdietako iturriek jakitera eman dutenez, sutea ostiral honetako 1:19etan piztu da, etxebizitza-bloke bateko bosgarren solairuko sukaldean. Emakumea Nafarroako Unibertsitate Ospitalera eraman dute eta pronostiko erreserbatua du.
Beste hiru pertsona tokian bertan artatu dituzte. Suhiltzaileek sua itzali dute 1:52rako eta etxebizitza aireztatu dute.
Cordovillako suhiltzaileak, anbulantzia bat eta Iruñeko Udaltzaingoa bertaratu dira.