Gizartea -
SUTEA
Bilboko erdiguneko eraikin bat hustu dute ileapaindegi batean kea sortu dela eta
Gertakaria 06:15ean jazo da Juan de Ajuriagerra kaleko 19.ean. Zorionez, ez da inor zauritu.
Agentziak | EITB MEDIA
Bilboko erdiguneko etxebizitza eraikin bateko bizilagunak atera dituzte gaur, inguruko ileapaindegi batean kea sortu dela eta. Kea eraikineko hainbat solairutan eta garajean zabaldu da, Eusko Jaurlaritzako Segurtasun Sailak jakinarazi duenez.
Gertakaria 06:15 zirenean jazo da, Juan de Ajuriagerra kaleko 19. zenbakian. Eremua kea pilatzen ari zela eta, larrialdietara deitu dute, eta badaezpada, zazpi solairuko eraikina hustu. Ez da inor zauritu.
Sutea eraikinaren atariaren ondoan kokatutako ileapaindegi batean piztu da, suhiltzaileek egiaztatu dutenez.