Gizartea -
Kable elektrikoa
Hegazkin txiki batek kable bat hautsi eta argirik gabe utzi du Irun
Istripua Elatzeta mendi inguruan gertatu da, Ventas auzoan.
Erredakzioa
Fumigazio lanetan ari zen hegazkin txiki batek ezbehar bat izan du eta kable elektriko bat hautsi du Irunen. Ondorioz, Iberdrolako 960 bezero argindarrik gabe gelditu dira.
12:40an gertatu da Elatzeta mendi inguruan, Ventas auzoan. Oiakineta baserri pareko linea elektrikoko klabe bat hautsi du hegazkinak.
Gertaerak ez du aparteko gorabeherarik eragin eta hegazkin txikiak ondoren Hondarribiko aireportuan lur hartu du, Herrizaingo Sailak adierazi duenez.
Iberdrolak segituan konpondu die matxura bezeroen % 97ri, eta 50 ingururi argindarra bueltatzeko lanetan ari dira.
Hau zure interesekoa bada, baliteke beste gai hauek ere izatea