Gizartea -
Adineko bat hilik aurkitu dute
Auzokoak: 'Ez dut ezer ere entzun, zarata arrarorik ez'
Bizilagunen arabera, emakumeak langile bat zuen "erosketak egiteko", eta "bere etxean lo egiteko".
Erredakzioa
Donostian hilda eta indarkeria zantzuekin aurkitutako adinekoaren bizilagunak zur eta lur daude 93 urteko emakumeari gertatutakoarekin. Esan dutenez, emakumea ez zen ia etxetik ateratzen, adinak eragindako arazoengatik.
"Ia ez gara gertatutakoaz onartu, gauerdia jota Ertzaintza etorri zen eta orduan jakin genuen guztiok emakumea hilda zegoela", esan du hildakoaren ondoan bizi den gizonezko batek.
"Adineko emakumea zen. Aurreko egunetan ez dugu ezer ere entzun, zarata arrarorik ez. Ezagutu egiten nuen, harreman ona nuen berarekin baina gehiagorik ez", azaldu du gizonezkoak. Bere hitzetan, gainera, emakumeak langile bat zuen "erosketak egiteko", eta "bere etxean lo egiteko".
Bizilagun horren arabera, hildakoak 10 urte inguru zeramatzan erakinean bizitzen. Haisera batean anaiarekin bizi zen, baina anaia hiltzean bakarrik geratu zen.
"Ez zen kalera ateratzen"
Beste bizilagun batek adierazi duenez, hildakoa "ez zen kalera sarri ateratzen", baina biek eskilaretan topo egiten zutenean solasean aritzen ziren, "adinekoei hitz egitea gustatzen zaielako".
Eraikineko kudeatzaileak ere konfirmatu egin du hildakoa ez zela bizilagunen bileretara joaten, eta informazio guztia korreoz bidaltzen ziola.