Gizartea -
Loturak
Vuelingek Loiu eta Londres-Heathrow lotuko ditu udan, astean zazpi hegaldirekin
Gainera, beste 21 hegaldi eskaintzen ditu konpainia horrek Bilbo eta Gatwick-en arten.
Agentziak | EITB MEDIA
Vuelingek Londres-Heathrow aireportuarekiko konexioa izango du udan Loiun; astean zazpi hegaldi izango ditu, eta Londres-Gatwick aireportuarekin astean egiten dituen 21 hegaldiekin, Ingalaterrarekiko konexioa indartuko du.
Vuelingek aurreikusten du bost hegazkin izango dituela uda honetarako, eta milioi bat eserleku baino gehiago Espainian, estatuko eta nazioarteko helmugetarako; hau da, aurreko urtean baino % 6 eserleku gehiago eskainiko ditu, eta 27,2 milioi eserleku izango ditu sare osoan.
Bost hegazkin berrietatik, hiruk Bartzelonako aireportuan izango dute oinarria, eta, bertatik, dauden ibilbideak indartuko ditu eta nazioarteko helmugetarako aukerak aztertu; beste bi aireontziak, berriz, Estatuko beste aireportu batzuetara bideratuko ditu, Espainiako konektibitatea indartzeko.