Gizartea -

EGURALDIA

Alerta laranja ezarri dute iganderako Araban eta Bizkaian, 120 km/h-tik gorako haize boladengatik

Gainera, Eusko Jaurlaritzak abisu horia aktibatuko du larunbatean, 3,5 metroko olatuak espero baitira.

Aterki bat airean, haizeagatik. Artxiboko argazkia: EFE
Aterki bat airean, haizeagatik
Aterki bat airean, haizeagatik. Artxiboko argazkia: EFE

AGENTZIAK | EITB Media

Whatsapp Facebook Twitter Telegram Email

Eusko Jaurlaritzako Segurtasun Sailak alerta laranja ezarriko du igandean, 120 km/h-tik gorako haize boladak espero direlako Araba eta Bizkaiko haizeguneetan.

Haizearen indarra ostiralean ere nabari da Euskal Autonomia Erkidegoan, eta abisu horia aktibatu dute Bizkaian 100 km/h-tik gorako haize ufadak tarteko. Abisu horia 18:00etatik 09:00etara aurreratu dute, eta larunbat goizera arte egongo da indarrean, 06:00ak arte.

Gainera, abisu horia aktibatuko da Bizkaian 18:00etatik gauerdira arte, 80 km/h-ko haize boladak espero baitira.

Igandean, haizeak are gogorrago joko du, eta 06:00etatik gauerdira arte alerta laranja ezarriko dute Araban eta Bizkaian.

Tarte horretan, Arabako eta Bizkaiko haizeguneetan 120 km/h-ko abiadura hartuko du haizeak. Hala ere, arratsaldetik aurrera, haizeak indarra galduko du.

Haizegune ez diren tokietan, berriz, abisu horia ezarri dute 80 km/h-tik gorako haize boladengatik, bereziki mendebaldean, eta 90-100 km/h-ko ufadak izan daitezke.

Bestalde, Eusko Jaurlaritzak abisu horia aktibatuko du larunbatean, 03:00etatik 15:00etara, 3,5 metroko olatuak espero baitira. 

Hau zure interesekoa bada, baliteke beste gai hauek ere izatea
Gaurko albisteak Bizkaia Albisteak Gipuzkoa Araba Alerta meteorologikoak albisteak Euskal Autonomia Erkidegoa azken ordukoa Eguraldia Donostia Gizartea bideoak Gaurko titularrak Albisteak