Gizartea -
Indarkeria matxista
Donostiako sexu-erasoaren biktima adingabea da eta Uliako aterpetxean eraso zioten
Erasoaren ustezko egilea, 20 urteko gizon bat, atxilotu egin zuen Ertzaintzak, baina epaileak aske utzi du.
AGENTZIAK | EITB MEDIA
Aste honetan Donostian izandako sexu-erasoaren biktima adingabea da, eta Uliako udal aterpetxean egin zioten eraso, Nekane Arzallus alkateordeak jakinarazi duenez.
Udalak elkarretaratzea egin du gaur, erasoa gaitzesteko, eta ondoren Arzallusek gertatutakoaren inguruko azalpenak eman ditu.
Horren esanetan, erasoa asteartean jazo zen, ez astelehenean, San Sebastian egunean, hasieran esan zen bezala. Gainera, udal aterpetxe batean egin zuten erasoa.
Ertzaintzak atxilotu egin zuen ustezko erasotzailea, 20 urteko gizon bat, baina epaileak aske utzi zuen ondoren.
Alkateordeak txalotu egin du Ertzaintzak "azkar" jokatu zuela.