Gizartea -
Bizkaia
Sei edukiontzi erre eta lau ibilgailu kaltetu dituzte, Getxon
Ertzaintzak ikerketa abiatu du gertatutakoa argitzeko. Barakaldon ere beste sute bat piztu da, eta bizilagunak etxetik atera behar izan dituzte une batez.
agentziak | eitb media
Ertzaintzak ikerketa abiatu du Getxon (Bizkaia) sei edukiontzi erre eta lau ibilgailu kaltetu dituen sutearen nondik norakoak argitzeko, Eusko Jaurlaritzaren Segurtasun Sailak jakitera eman duenez. Sutea 07:30 aldera piztu da Konporte kalean.
Ertzaintza 07:00ak baino lehentxeago Barakaldoko Zubiarre kalean piztu den beste sute bat ere ikertzen ari da. Kasu horretan motor bat kiskali da, eta inguruko bizilagunak etxetik atera behar izan dituzte une batean.