Gizartea -

IHESA

Atarrabiako paper fabrikako hiru langile Nafarroako ospitalera eraman dituzte gasa arnasteagatik intoxikatuta

Lantegian sulfhidriko ihesa izan da, eta hustu egin dute. Langile batek konortea galdu du eta buruan kolpea hartu du. Beste biak intoxikazio arinak zituztelako eraman dituzte.

EITB MEDIA

Whatsapp Facebook Twitter Telegram Email

Atarrabiako paper fabrikako hiru langile Nafarroako ospitalera eraman dituzte, gasa arnasteagatik intoxikatuta. Lantegian sulfidriko ihesa gertatu da eta langileak atera dituzte.

Langileetako batek konortea galdu du eta buruan kolpea hartu du. Beste biak anbulantziak eraman ditu, intoxikazio arinak zituztelako.

Larrialdi-zerbitzuek langile guztiak ebakuatu dituzte, eta egiaztatu dute ihesak ez duela kalterik eragin ez ingurumenean, ez herritarrei. Era berean, suhiltzaileek lantegia aireztatu dute eta atmosferaren neurketak egin dituzte hamar minuturik behin, gas-mailak behera egin duela egiaztatzeko.

Foruzainak istripuaren arrazoiak eta dinamika ikertzen ari dira.

Hau zure interesekoa bada, baliteke beste gai hauek ere izatea
Gizartea Eguneko albisteak Albisteak Atarrabia albisteak