Gizartea -
Lapurreta delitua
Gizon batek ezezagun bat topatu du bere kotxean lotan, Bilbon
Auto barruan lotan zegoen gizonezkoak 43 urte ditu. Ertzaintzak jada ezagutzen du, izan ere, aldez aurretik 22 aldiz atxilotu dute.
Erredakzioa
Bilboko Ertzaintzak lapurreta delituagatik gizon bat atxilotu zuen atzo, gizonezko batek bere auto barruan lotan aurkitu ostean.
Ostegunean gertatu zen, 10:00etan, Juan Maria Ugarteburu kalean. Jabea bere kotxera iritsi zenean, barrualdea erabat nahasita aurkitu zuen eta atzeko aldean pertsona bat lo zegoela ikusi zuen.
Ertzaintza bertara iritsi zenean, Peugeot 307 kotxearen barruan lo zegoen oraindik gizonezkoa eta atxilotu egin zuten.
Eurentzat ezaguna da jada 43 urteko gizonezkoa, aldez aurretik 22 aldiz atxilotua izan delako. Atzo pasatu zen epailearen aurretik.
Hau zure interesekoa bada, baliteke beste gai hauek ere izatea