Donostiako emakumearen heriotza ikertzen jarraitzen du Ertzaintzak

Laurogeita hamahiru urteko emakumezko bat hilik aurkitu zuten asteazkenean Donostian, indarkeria zantzuekin.

Gorpua emakumezkoaren zaintzaileak atzeman zuen, 23:00etan, San Martin kaleko etxebizitza batean.

Lehen ikerketen arabera, baliteke lapurreta izatea homizidioaren eragilea, bitxi guztiak desagertu baitira. Oraingoz, ez dute inor atxilotu.

Ertzaintza emakumezkoa hiltzeko erabilitako arma, labana bat, bilatzen ari da, eta, zeregin horretarako, inguruetako edukiontzi guztiak zigilatu ditu.

Emakumeak bakarrik bizi diren pertsona edadetuentzako Gipuzkoako Aldundiak ematen duen telelaguntza zerbitzua zeukan.

Hilotza Auzitegi Medikuntzako Zerbitzura eraman dute, aztertzeko.