Gizartea -
TRAFIKOA
Normaltasuna A-8 autobidean, Barakaldon, Kantabriarako noranzkoan, kamioi batek matxura izan ostean
Hiru errei itxita egon dira hainbat orduz, eta horrek auto-ilarak eragin ditu errepidean.
EITB MEDIA
A-8ko 123. kilometroan, Barakaldo parean, Kantabriarako noranzkoan, matxuratutako kamioi batek zirkulazio-arazo handiak sortu ditu ostiral arratsaldeko lehenengo orduan. Hiru errei itxita izan dira hainbat orduz, eta, ondorioz, auto-ilarak sortu dira inguruan, Eusko Jaurlaritzako Trafiko Sailak jakinarazi duenez.
Matxuraren ondorioz, zirkulazio arazoak izan dira Txorierrin eta Leioako errepidean ere.