Gizartea -

Emakumeen aurkako indarkeria

Aske geratu dira sexu-eraso bat egotzita Durangon atxilotutako bi gizonezkoak

Erasoa larunbat goizaldean gertatu da, Askatasun Etorbidean, eta atxilotuak epailearen aurrera eraman dituzte. Udalak adierazpen instituzionala kaleratu du erasoa gaitzetsi eta "biktimari elkartasun eta babes osoa" adierazteko.

AGENTZIAK | EITB MEDIA

Whatsapp Facebook Twitter Telegram Email

Aske geratu dira atzo, larunbata, emakume bati sexu-erasoa egitea egotzita atxilotu zituzten bi gizonak.

Gaua polizia-etxean igaro ondoren, igande goizean eraman dituzte epailearen aurrera, eta epaileak aske uztea erabaki du.

Larunbat goizaldean atxilotu zituzten, emakume batek Askatasun Etorbidean sexu-eraso baten biktima izan zela jakinarazi ondoren.

Ertzaintzaren patruilek salatzaileak adierazitako ezaugarriak zituzten bi gizon aurkitu zituzten handik gertu, eta atxilotu egin zituzten.

Durangoko Udalak adierazpen instituzionala kaleratu du erasoa gaitzetsi eta "biktimari elkartasun eta babes osoa" adierazteko. "Indarkeria ekintza hori erabat onartezina da pertsona guztien berdintasuna eta segurtasuna defendatzen duen gizarte batean", gaineratu du Udalak.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan; beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak Ertzaintza Indarkeria matxista Gizartea Indarkeria matxistaren biktimak Eguneko albisteak Durango Albisteak Matxismoa