"Torbe" porno produktore portugaletetarra aske utzi dute, sexu-erasoa egotzita atxilotu ostean

Ignacio Allende Fernandez Torbe helduentzako eduki zinematografikoen ekoizlea atxilotu aske utzi dute, emakume bati sexu erasoa egitea egotzita pasa den ostegunean atxilotu ondoren.

Polizia iturriek eta iturri juridikoek jakinarazi dutenez, epaileak karguekin baina kautelazko neurririk gabe aske utzi zuen.

Espainiako Poliziak Torbe atxilotu zuen joan den ostegunean Adolfo Suarez Madrid-Barajas aireportuan, emakume gazte batek sexu-erasoagatik salaketa jarri baitzuen.

Ekoizlea Habanatik (Kuba) zetorren, 13:30 aldera lur hartu zuen eta bertan atxilotu egin zuten, sexu-erasoa, pertsona trafikoa eta legez kanpoko atxiloketa egotzita.

2016an ere atxilotu zuten helduentzako zinema-ekoizlea, bederatzi pertsonarekin batera, 16 urteko adingabe bati sexu-abusuak egitea egotzita.

2023ko irailean epaitu zuten, haur pornografia banatzeagatik eta edukitzeagatik. Torbek aitortu egin zuen gertatutakoa, eta Fiskaltzarekin eta akusazioekin akordio bat lortu ondoren, ez zuen kartzelan sartu behar izan, akusazioak ia zortzi urteko kartzela-zigorra eskatu arren bi urtekoa baino ez ziotelako ezarri.

Bere garaian iturri juridikoek zabaldu zutenez, 2008an adingabeak galbideratzeagatik ezarritako iraungitako kondena bat ere badu.