Gizartea -
Futbola
70 zale identifikatu ditu Ertzaintzak Alavesen eta Espanyolen arteko norgehiagoka hasi aurretik
Horietako bi zehapen administratiboa jasotzeko proposatu dituzte, Kirol Legean oinarrituta, buru-beroki bat eta burdinazko ukabil bat atzeman baitizkiete. Ertzaintzak lagunduta joan dira guztiak Mendizorrotza futbol-zelairaino, eta ez da istilurik jazo.
EITB MEDIA
Ertzaintzak 70 jarraitzaile identifikatu ditu Gasteizen Alavesen eta Espanyolen arteko futbol-partida hasi aurretik, eta hainbat objektu arriskutsu, makilak eta buru-berokiak konfiskatu dizkiete, Segurtasun Sailak jakinarazi duenez.
Arriskua izan dezaketen partiduetan Ertzaintzak egin ohi dituen badaezpadako kontroletan identifikatu dituzte 70 futbolzaleak, jarraitzaile erradikal horien artean borrokak gerta zitezkeela iritzita.
Horietako bi zehapen administratiboa jasotzeko proposatu dituzte, Kirol Legean oinarrituta, buru-beroki bat eta burdinazko ukabil bat atzeman baitizkiete.
Azkenean, baina, Ertzaintzak lagunduta joan dira guztiak Mendizorrotza futbol-zelairaino, eta ez da istilurik izan.