Gizartea -
Zauri arinak izan dituzte
Euren burua ibaira bota dute Durangon, etxeko sutetik aldentzeko
Sua zergatik piztu den ez dute oraindik argitu. Abisua 15:30etan eman dute. Etxean zeuden bi pertsonak leihotik atera eta euren burua Ibaizabal ibaira bota behar izan dute.
Erredakzioa
Suhiltzaileek bi pertsona erreskatatu dituzte Durangon, Ibaizabal ibaitik, euren burua uretara bota ondoren etxean sortutako sutetik ihes egiteko. Sua Uribarri kaleko eraikin batean piztu da.
Herrizaingo Sailaren arabera, sutea 15:30ak aldera hasi da, oraindik argi ez dauden arrazoiengatik. Etxean zeuden bi pertsonek leihotik atera eta euren burua ibaira bota dute.
Suhiltzaleek erreskatatu ondoren, bi pertsonak Galdakaoko Ospitalera eraman dituzte, baina zauri larririk gabe. Sua minutu gutxi batzuetan itzali dute suhiltzaileek.