Sute bat izan da Atarrabian, etxebizitza bateko garajean

Sute bat piztu da, 02:30 aldera, Bideburua kaleko etxebizitza batean (Atarrabia), eta ez da inor zauritu. Garajean aparkatuta zegoen auto batean hasi da; dena den, suhiltzaileek berehala hartu dute kontrolpean.

Sugarrak ez dira inguruko autoetara heldu, suhiltzaileen erantzun azkarrari esker. Halere, suteak eragindako beroak eta keak kalteak egin dituzte inguruan.

Nafarroako Gobernuak azaldu duenez, ez dute eraikina hustu beharrik izan. Atarrabiako Udaltzaingoak ikerketa bat jarri du abian, gertakaria nola jazo den argitzeko.