Gizartea -
SUTEA
Emakume bat artatu behar izan dute Iruñeko etxebizitza batean izandako sutean kea arnasteagatik
19:09 aldera izan da ezbeharra, Alfontso Borrokalariaren kaleko etxebizitza batean. Etxebizitzako balkoian piztu da sua, antza denez, eta bertako bizilagunek itzali dute.
AGENTZIAK | EITB MEDIA
51 urteko emakume bat artatu behar izan dute larunbat honetan osasun langileek Iruñean, Alfontso Borrokalariaren kaleko etxebizitza batean piztutako sute batean kea arnastu duelako.
19:09 aldera gertatu da ezbeharra, 112-SOS Nafarroak jakinarazi duenez. Etxebizitza bateko balkoian piztu da sua, eta bertako biztanleek itzali dute.
Suhiltzaileak eta udaltzainak bertaratu dira, eta airearen kalitatea eta tenperatura aztertu dituzte.
Oinarrizko bizi-euskarriko anbulantzia batean eraman dute emakumea ospitalera.
Hau zure interesekoa bada, baliteke beste gai hauek ere izatea