Gizon bat atxilotu dute Iruñean, beste bati sexu-erasoa egitea egotzita

Iruñeko Udaltzaingoak 62 urteko gizon bat atxilotu du, Nafarroako hiriburuko bus geltokian 29 urteko gizon bati sexu erasoa-egitea leporatuta.

Erasoa urtarrilaren 6an jazo zen, 14:20an. Egun hartan, akusatuak ukipenak egin ei zizkion biktimari.

Salaketa jaso ondoren, Poliziak ikerketa abiatu zuen, eta geltokiko segurtasun-kamerak aztertu eta lekukoen testigantzak entzun zituen.

Horren ondorioz, agenteek identifikatu egin zuten ustezko egilea, eta joan igandean atxilotu zuten.