Gizartea -
Nafarroa
Auto batek su hartu du Lesakako aparkaleku batean, eta hamar ibilgailu kaltetu dira
Kaltetutako ibilgailuetako sei kiskalita geratu dira. 05:07an piztu da sutea, Antoiu kalean. Suak ez du inor zauritu.
AGENTZIAK | EITB MEDIA
Lesakan aparkatuta zegoen auto batek su hartu du goizaldean, eta inguruan zituen beste hamar ibilgailu kaltetu dira. Sutean, baina, ez da inor zauritu.
05:07an piztu da sua, Antoiu kalean, SOS Nafarroak jakitera eman duenez.
Oronoz-Mugairiko suhiltzaileak eta Lesakako hainbat bizilagun aritu dira sua itzaltzen. Foruzaingoa ere bertaratu da, eta lekukoen laguntza eskatu du, sua zer eragin duen argitze aldera.