Gizartea -
Ezbeharra
Gizonezko bat hil da Basaurin, kamioi batek harrapatuta
Ezbeharra 07:40an gertatu da, oraindik nola ez dakitela. Mercedes markako kamioi batek Etxebarriko 57 urteko gizonezko bat harrapatu du.
Erredakzioa
Etxebarriko (Bizkaia) 57 urteko fizonezko bat hil da gaur goizean, N-634 errepidean, Basaurin, Baskonia zubitik gertu, kamioi batek harrapatuta, Ertzaintzak jakitera eman duenez.
Ezbeharra 07:40an gertatu da, oraindik nola ez dakitela. Mercedes markako kamioi batek gizonezko bat harrapatu du. Biktima zebrabide batean harrapatu du kamioiak.
Kolpearen ondorioz, istripua izan eta minutu gutxitara hil da gizonezkoa, Ertzaintzaren arabera.
Errepidea itxi egin dute, eta auto-ilara handiak izan dira bi noranzkoetan.
