Gizartea -
Atxiloketa
Gizon bat atxilotu dute Gasteizen, amari eraso egitea egotzita
Emakumea osasun zentro batera eraman zuten zauriak sendatzeko. Ustezko erasotzailea, berriz, epailearen esku utzi dute.
Erredakzioa
Gasteizko Udaltzaingoak 21 urteko gizon bat atxilotu du, amari eraso egitea egotzita. Emakumea osasun zentro batera eraman zuten zauriak sendatu eta osasun azterketa bat egiteko.
Ustezko erasoa astelehen goizean, 09:30 aldera, jazo zen, Udaltzaingoak jakinarazi duenez.
Patruila bat Sansomendi auzoko etxebizitza batera joan zen, erasoaren berri izan ostean, eta indarkeria zantzuak zituen emakume bat aurkitu zuen bertan.
Horren aurrean, agenteek ustezko erasotzailea (21 urteko gizonezko bat) atxilotu zuten, eta deklarazioa hartu ostean, epailearen esku utzi dute.
Hau zure interesekoa bada, baliteke beste gai hauek ere izatea