Gizartea -
Istripua Gipuzkoan
Emakume bat hil da Zestoan bi autok talka eginda
Biktimak 50 urte zituen eta Azpeitiako bizilaguna zen. Beste ibilgailuko gidaria Donostia Ospitalera eraman dute. Bi autok aurrez aurre jota gertatu da istripua.
Erredakzioa
Emakume bat hil da gaur goizean Zestoan (Gipuzkoa) izandako istripuan. Oraindik argitu gabe dauden arrazoiak tarteko, bi autok aurrez aurre jo dute GI-631 errepidean, 11:50 inguruan.
Herrizaingo Sailak jakitera eman duenez, bi ibilgailuetako gidariak harrapatuta geratu dira eta suhiltzaileen parte-hartzea ezinbestekoa izan da. Ezbeharraren ondorioz gidari bat hil egin da eta bestea Donostia Ospitalera eraman behar izan dute. Biktimak 50 urte zituen eta Azpeitiako bizilaguna zen.
