Hiru gazte zauritu dira Araban, beren furgoneta irauli ondoren

Hiru adingabeko zaurituak suertatu dira zihoazen furgoneta Arabako Erribera herriaren parean dagoen AP-68 errepidean irauli ondoren.

Istripua 18:15 aldera gertatu da, oraindik zehaztu gabe dauden arrazoiak direla eta, Fiat markako furgoneta bat errepidetik irten eta irauli egin denean.

Autoan bi heldu eta hiru adingabe zihoazen, eta, istripuaren ondorioz, adingabekoak Gasteizko Txagorritxu Ospitalera eraman dituzte.

Bi ordu lehenago, A-8an, Bilbo parean, Ford Scort auto bat errepidetik irten da. Horren ondorioz, 38 urte dituen eta Sestaokoa den gidaria Basurtuko Ospitalera eraman dituzte.

Motozikleta baten erorketa

16:39etan, berriz, antzeko istripu bat izan da kontrako norabidean. Kasu horretan ez da biktimarik izan, baina istripuak auto-ilarak eragin ditu.

17.15etan, Irun parean dagoen GI-636 errepidean, Yamaha markako motozikleta batean zihoan 34 urteko gizon bat bertatik jausi eta Irungo Hospitalera eraman dute