Indarkeria sexistagatik aske, neskalaguna 'diruagatik jo zuelako'

Sevillako Auzitegiak gizon bati ezarritako urte bateko kartzela zigorra bertan behera utzi du, bere neskalagun ohia bien arteko etxebizitzaren salmentagatik sortutako arazo ekonomikoengatik, eta ez indarkeria sexistagatik, jo zuela ondorioztatu ostean.

F.M.V.M izeneko gizona indarkeria sexistagatik akusatu zuten, 2009. urteko azaroaren 2an sei urte lehenagora arte bere neskalaguna izan zen M.G.A.C erasotu baitzuen Sevillako Los Principes auzoan daukan taberna ixterako momentuan.

Akusatuak dirua eskatu zion, eta emakumeak ezetz esan zionean, gizonak lepotik heldu, hormaren kontra bultzatu eta lurrera bota zuen, gorputz guztitik ostikoak emanez.

Gertaera hori dela eta, Sevillano Auzitegiko 14. Epaimahaiak urte bateko kartzela zigorra eta 380 euroko isuna ezarri zion indarkeria sexista delitu bategatik. Horrez gain, bi urteko urruntze-agindua eta epaiketaren gastuak ordaintzera behartu zuen.

6 urte lehenago banatu ziren

Dena den, Auzitegi horretako laugarren Epaimahaiak kondena hori bertan behera utzi eta 9 egunez auzitegian sinatzeko beharra ezarri dio lesio arinen delitu bategatik.

Auzitegiaren arabera, bikotea sei urte lehenago banandu zen, eta F.M.V.M.ren erasoa arazo ekonomikoek motibatu zuten, akusatuak bien artean erositako etxebizitza saldu nahi baitzuen.