Gizonezko baten gorpua aurkitu dute Irungo etxebizitza batean, indarkeria zantzuekin

Gizonezko baten gorpua aurkitu zuten atzo arratsaldean Irungo (Gipuzkoa) etxebizitza batean, indarkeria zantzuekin. EITBk jakin duenez, gorpua ahoa estalita eta aulki bati lotuta zegoen.

San Miguel auzoko Pinudi kaleko etxebizitza batean aurkitu zuten hilotza, eta gaur goizean, ikerketa taldeko hainbat ertzain bertan egon dira, kasua argitzen lagundu dezaketen aztarna bila.

Sekretupean dago ikerketa.